ЖЫЛДЫН МЫКТЫ СТУДЕНТ-ПРАКТИКАНТЫ

        2025-жылдын  24-апрелинде  саат 10.00дө  Кусеин Карасаев атындагы Бишкек мамлекеттик университетинде  жыл сайын өтүүчү «Жылдын мыкты студент-практиканты» конкурсу өткөрүлөт.

Конкурста  педагогикалык  адистиктеги  4-курстун студенттери  кесиптик даярдыгынын деңгээлин, өз алдынча педагогикалык ишмердүүлүккө көндүм жана жөндөмдүүлүгүн көрсөтүп, жумушка орношуу үчүн портфолио түзүшү керек.

Конкурсту өткөрүүнүн негизги максаты: болочок жаш  мугалимдердин жеке кесиптик өсүшүнө шарт түзүү, чыгармачыл жана таланттуу студенттерди аныктоо, кесиптин кадыр-баркын жогорулатуу болуп саналат.

Милдети: кесиптик билимге, жогорку квалификацияга ээ болгон студенттерди колдоо жана аларга дем берүү; окутуу усулдары жаатындагы инновацияларды, демилгелерди колдонуу, өздүк педагогикалык стилди издөөгө түрткү берүү; практикант-студенттердин ортосунда педагогикалык тажрыйба алмашуу.

     Уюштуруучулар: К.Карасаев атындагы Бишкекмамлекеттикуниверситетининсапат, практика жана карьера бөлүмү, Европа цивилизациялары, орус, кыргыз филологиясы жана педагогикалык билим берүү факультеттери.

Катышуучулар:

Сынакка Бишкек шаарынын жалпы билим берүүчү мектептеринин директорлору жана мугалимдери, генерал-майор Д.Асанов атындагы Кыргыз улуттук аскер лицейинин окутуучулары, БМУнун профессордук – окутуучулук курамы.

«Жылдын эң мыкты студент-практиканты» сынагынын финалына эң көп балл алган конкурсанттар конкурстун жеңүүчүлөрү болуп жарыяланат жана конкурсту өткөрүү тартибине ылайык дипломдор, баалуу белектер менен сыйланышат.

Дареги:  Бишкек ш., пр. Ч. Айтматов 27, БМУ, Кинозал.                                                                                                                                                                                                                                                                                          Байланыш  тел. 54-03-18