БАЛЫКЧЫ – КОЧКОР ТЕМИР ЖОЛУ: ӨНҮГҮҮГӨ АЧЫЛГАН ЖАҢЫ ЖОЛ

Кыргыз Республикасынын Президенти Садыр Жапаров 25-июлда Нарын облусунда Балыкчы – Кочкор темир жолунун жана станциясынын ачылышына катышты. Ал поезд менен жүрүп, инфраструктура менен таанышты.  63 чакырымдык тилке Балыкчы – Кара-Кече – Макмал долбоорунун биринчи этабы.  «Биз темир жол куруу мүмкүнчүлүгүбүздү кайра жандандырдык жана ири долбоорлорду өз алдынча ишке ашыра аларыбызды көрсөттүк», – деди ал.

Жакынкы жылдары Кочкор – Кара-Кече – Макмал багыты башталат. Ал Кытай – Кыргызстан – Өзбекстан коридоруна кошулуп, транзитти, экспортту жана инвестицияны арттырат.  Темир жолдун ачылышы менен катар билим берүү тармагына да жаңы мүмкүнчүлүктөр түзүлөт. Бул ири инфраструктуралык долбоор инженерия, курулуш, логистика жана транспорт тармактарында адистерге болгон суроо-талапты жогорулатат. Ошондой эле жергиликтүү жаштар үчүн кесиптик-техникалык окуу жайларда жаңы багыттар ачылып, практикалык окутуу мүмкүнчүлүктөрү кеңейет. Темир жолдун өнүгүшү билимдүү кадрларды даярдоонун маанилүүлүгүн дагы бир жолу көрсөтөт.

А.К., «КБ»