ЖОЛ КЫЙМЫЛЫ ИНСПЕКТОРУНУН ЖАШ ДОСТОРУ ЖАРЫШТЫ

Аксыда «Жол кыймылынын жаш инспектору» аттуу кароо-сынактын райондук туру өттү.

Кароо-сынакка районубуздун ар бир айыл аймагынан бирден команда, жалпы 12 команда катышты. Жылдагыдан быйыл окуучуларыбыздын даярдыгы жогорку деңгээлде экендиги байкалды. Калыстар тобуна Аксы райондук ички иштер бөлүмүнөн, кесиптик лицейден адистер кошулду. Жыйынтыгында 1-орунду Ж.Бөкөнбаев атындагы орто мектебинин, 2-орунду Т.Сатылганов, А.Кабаев атындагы орто мектептери, 3-орунду  Т.Тыныбеков атындагы жана Ж.Кожобеков атындагы орто мектептеринин командалары ээледи.

Махабат МЫРЗАКАНОВА, Аксы району