ЖАШТАР АРАСЫНДА 52-ЭЛ АРАЛЫК ЭПИСТОЛЯРДЫК ЖАНРДАГЫ ДИЛБАЯНДАР СЫНАГЫ

“Кыргыз почтасы” ачык акционердик коому жана

Кыргыз Республикасынын Билим берүү жана илим министрлигинин

Жаштар арасында 52-эл аралык эпистолярдык жанрдагы
дилбаяндар сынагын өткөрүү жөнүндө

БИРГЕЛЕШКЕН БУЙРУГУ

2023-ж. “____”________№______________

Жаштардын жазуу жөндөмдүүлүгүн өрчүтүү, сабаттуулугунун деңгээлин жогорулатуу, оюн көркөмдөп берүүгө көмөк көрсөтүү, алардын чыгармачылык жөндөмдүүлүктөрүн арттыруу жана Бүткүл дүйнөлүк почта уюмунун демилгеси менен жаштар арасында эл аралык эпистолярдык жанрдагы дилбаяндар сынагын өткөрүү максатында буйрук кылабыз:

1. 2023-жылдын 15-февралынан 7-апрелине чейин “Сиз супербаатыр экениңизди жана Сиздин миссияңыз – дүйнө жүзү боюнча бардык жолдорду балдар үчүн коопсуз кылуу экендигин элестетиңиз. Сиздин миссияңызды ишке ашырууга жардам бере турган кандай супер жөндөмдүүлүктөр керек боло тургандыгы жөнүндө түшүндүрүп, кимдир бирөөгө кат жазыңыз” деген темада жаштар арасында эл аралык эпистолярдык жанрдагы дилбаяндар сынагы өткөрүлсүн.
2. Жаштар арасында эл аралык эпистолярдык жанрдагы дилбаяндар сынагын өткөрүү үчүн Республикалык ведомстволор аралык жумушчу комиссиянын курамы 1-тиркемеге ылайык бекитилсин.
3. Сынакты өткөрүүнү уюштуруу, ошондой эле сынактын жыйынтыгын чыгаруу жоопкерчилиги жумушчу комиссиянын мүчөлөрүнө жүктөлсүн.
4. Жаштар арасында эл аралык эпистолярдык жанрдагы дилбаяндар сынагын уюштуруу жана өткөрүү боюнча Иш-чаралар планы жана Жобосу 2, 3-тиркемелерге ылайык бекитилсин.
5. “Кыргыз почтасы” ачык акционердик коомунун аймактык департаменттеринин, филиалдарынын жана Бишкек шаарындагы байланыш бөлүмдөрүн иштетүү боюнча кызматынын жаштар арасында эл аралык эпистолярдык жанрдагы дилбаяндар сынагынын катышуучуларынын тизмесинин отчету, заказдык каттардын реестри жана эпистолярдык жанрдагы дилбаяндар сынагынын жыйынтыктоочу формасы 4-тиркемеге ылайык бекитилсин.
6. Атайын “Бүткүл дүйнөлүк почта уюмунун эл аралык конкурсу” («Международный конкурс ВПС») деген белгиси бар конверттердин отчетунун формасы 5-тиркемеге ылайык бекитилсин.
7. “Кыргыз почтасы” ачык акционердик коомунун аймактык департаменттеринин директорлоруна, филиалдарынын жетекчилерине, Бишкек шаарындагы байланыш бөлүмдөрүн иштетүү боюнча кызматынын башчысына жана шаардык, райондук билим берүү бөлүмдөрүнүн жетекчилерине:

— 2023-жылдын 15-февралына чейин райондук, шаардык деңгээлде жаштар арасында эл аралык эпистолярдык жанрдагы дилбаяндар сынагынын 1-этабын уюштуруу жана өткөрүү үчүн биргелешкен жумушчу топторду түзүү боюнча биргелешкен буйрук чыгарылсын жана буйруктун көчүрмөсү [email protected]; [email protected] электрондук даректерине жөнөтүлсүн;

— жаштар арасында эл аралык эпистолярдык жанрдагы дилбаяндар сынагын уюштуруу жана өткөрүү боюнча бекитилген Жобого ылайык жаштар арасында эл аралык эпистолярдык жанрдагы дилбаяндар сынагынын 1-этабын уюштуруу жана өткөрүү, ушул буйруктун 4-пунктуна ылайык жыйынтыктарын чыгаруу жана белгиленген мөөнөттөрдө Республикалык ведомстволор аралык жумушчу комиссиясына берүү камсыз кылынсын.

8. Шаардык жана райондук билим берүү бөлүмдөрүнүн жетекчилери аталган иш чараны өткөрүүдө колдоо көрсөтүп, билим берүү уюмдарынын окуучуларына жаштар арасындагы эл аралык дилбаяндар сынагы жөнүндө толук маалыматты жеткирүүнү камсыздашсын.
9. “Кыргыз почтасы” ачык акционердик коомунун аймактык департаменттеринин директорлоруна, филиалдарынын жетекчилерине, Бишкек шаарындагы байланыш бөлүмдөрүн иштетүү боюнча кызматынын башчысына, жаштар арасында эл аралык эпистолярдык жанрдагы дилбаяндар сынагынын 1-этабынын жеңүүчүлөрүн сыйлоо, “Кыргыз почтасы” ачык акционердик коомунун аймактык департаментинин, филиалынын жана Бишкек шаарындагы байланыш бөлүмдөрүн иштетүү боюнча кызматынын конверттерди сатуудан түшкөн кирешесинин өлчөмү 10000 (он миң) сомдон ашкан учурда же демөөрчүлөрдүн эсебинен ыйгарылсын.
10. “Кыргыз почтасы” ачык акционердик коомунун басма сөз катчысы Ю.И.Сафронова:

— жаштар арасында эл аралык эпистолярдык жанрдагы дилбаяндар сынагын өткөрүүнүн жүрүшү жөнүндө маалыматты жарыялоо боюнча тиешелүүгүнө карата “Кут Билим” медиа борборунун жетекчилиги менен иштеп чыксын жана башка социалдык тармактарда чагылдырууну камсыздасын.

11. “Кут Билим” медиа борборунун директору К.Чекиров:

— жаштар арасында эл аралык эпистолярдык жанрдагы дилбаяндар сынагын өткөрүүнүн жүрүшү жөнүндө маалыматты “Кут Билим” басылмасынын кезектеги санына чагылдырсын жана жарыяласын.

12. Ушул буйруктун аткарылышын көзөмөлдөө “Кыргыз почтасы” ачык акционердик коому тарабынан өзүмө жана Кыргыз Республикасынын Билим берүү жана илим министрлиги тарабынын министрдин орун басары Т.Ашымбаевага
    жүктөлсүн.

1-тиркеме

Кыргыз Республикасынын Билим берүү жана илим министрлигинин

жана “Кыргыз почтасы” ачык акционердик коомунун

2023-ж. “___”______№______

2023-ж. “___”______№______

биргелешкен буйругу менен бекитилди

Жаштар арасында эл аралык эпистолярдык жанрдагы дилбаяндар сынагын уюштуруу жана өткөрүү максатында Республикалык ведомстволор аралык жумушчу комиссиясынын курамы

Р.Ж.Абдиев – “Кыргыз почтасы” ачык акционердик коомунун башкармалыктын төрагасынын орун басары, жумушчу комиссиянын төрагасы;

С.К.Умралиева – Кыргыз Республикасынын Билим берүү жана илим министрлигинин Мектептеги билим берүү жана китеп басып чыгаруу саясаты башкармалыгынын башчысы, жумушчу комиссиянын төрагасынын орун басары;

С.А.Акылбекова – “Кыргыз почтасы” ачык акционердик коомунун эл аралык кызматташтык секторунун башчысы, жумушчу комиссиянын төрагасынын орун басары.

“Кыргыз почтасы” ачык акционердик коомунун уюштуруу комиссиясынын мүчөлөрү:

Д.С.Сейталиева – эл аралык өз ара эсептешүүлөр жана тарифтик саясат бөлүмүнүн эксперти;

Ч.Т.Абылашимова – социалдык төлөмдөр бөлүмүнүн эксперти;

С.Б.Шамаева – финансылык кызмат көрсөтүүлөр башкармалыгынын эксперти;

Ж.Т.Кененбаева – эл аралык кызматташтык секторунун эксперти;

М.К.Рыспаева – почта коопсуздугу жана сапат бөлүмүнүн эксперти;

Г.Б.Токтоназарова – жалпы бөлүмүнүн эксперти;

А.Э.Шамбетова – почта кызматтары жана ички логистика бөлүмүнүн эксперти;

Э.Н. Керимканов – Инвестициялар жана өнүктүрүү боюнча башкармалыгынын менеджери;

Максатбек Абдуназар уулу – Инвестициялар жана өнүктүрүү боюнча башкармалыгынын менеджери;

Б.М. Шарипова – эл аралык кызматташтык секторунун эксперти;

Келишим менен:

К.А.Чекиров – “Кут Билим” медиа борборунун директору.

Кыргыз Республикасынын Билим берүү жана илим министрлигинин уюштуруу комиссиясынын мүчөлөрү:

Б.Б.Рысбеков – Мектептеги билим берүү жана китеп басып чыгаруу саясаты башкармалыгынын башкы адиси;

С.Т.Омурканова – Мектептеги билим берүү жана китеп басып чыгаруу саясаты башкармалыгынын адиси.

2-тиркеме

Кыргыз Республикасынын Билим берүү жана илим министрлигинин жана

“Кыргыз почтасы” ачык акционердик коомунун

2023-ж. “___”___________№__________

2023-ж. “___”___________№__________

биргелешкен буйругу менен бекитилди

“Сиз супербаатыр экениңизди жана Сиздин миссияңыз – дүйнө жүзү боюнча бардык жолдорду балдар үчүн коопсуз кылуу экендигин элестетиңиз. Сиздин миссияңызды ишке ашырууга жардам бере турган кандай супер жөндөмдүүлүктөр керек боло тургандыгы жөнүндө түшүндүрүп, кимдир бирөөгө кат жазыңыз” деген темадагы жаштар арасында эл аралык эпистолярдык жанрдагы дилбаяндар сынагын уюштуруу жана өткөрүүнүн

ЖОБОСУ

1. Максаты:

Жыл сайын Бүткүл дүйнөлүк почта уюмунун демилгеси менен өткөрүлүүчү эпистолярдык жанрдагы дилбаяндар сынагынын максаты балдарга жана жаштарга багытталган:

— каттарды жазуу менен сабаттуулугун жогорулатуу;

— жаштарда өзүнүн оюн түзүү жана билдирүү жөндөмдүүлүктөрүн өрчүтүү;

— оюн көркөмдөп билдирүүгө көмөктөшүү;

— алардын чыгармачылык жөндөмдүүлүктөрүн чыгаруу;

— алардын тилдик көндүмдөрүн жакшыртуу;

— элдердин ортосундагы достукту чыңдоого көмөктөшүү;

— бүткүл дүйнөнүн таланттуу жаштарын бириктирүү;

— республиканын айылдык, райондук жана шаардык мектептердеги жаштардын көпчүлүгүн камтуу.

Дилбаяндын темасы логикалык ой жүгүртүүнү өнүктүрүүгө өбөлгө түзөт, балдарга жол кыймылынын бардык катышуучулары үчүн жол коопсуздугун камсыз кылуу үчүн, инновациялык коммуникация технологиялары жаатындагы улуу ачылыштар жөнүндө ойлонууга мүмкүндүк берет. Теманын багытында жол кыймылынын коопсуздугун камсыз кылуунун маанилүүлүгү, жол кыймылына катышкан балдардын өмүрү жана ден соолугунун артыкчылыктуулугу, жолдо тартипти өнүктүрүү, ошондой эле мектеп окуучуларынын ой-пикиринин маанилүүлүгүнө басым жасайт, бул ар бир өсүп келе жаткан индивид үчүн бир кыйла маанилүү.

Бул сынак биздин республика үчүн, баарынан мурда балдар үчүн мааниси чоӊ экендиги талашсыз.

2. Катышуу:

Сынакка он беш жаштан жогору эмес жаштар катыша алат. Сынакка катышуучулардын каттары заказдык жол менен стандарттык, атайын “Бүткүл дүйнөлүк почта уюумунун эл аралык конкурсу” («Международный конкурс ВПС») деген белгиси бар конверттерде почта байланыш бөлүмдөрү аркылуу “Кыргыз почтасы” ачык акционердик коомунун тийиштүү филиалдарынын дарегине сынактын катышуучусунун атын, фамилиясын, жашаган жеринин дарегин, мектептин атын же номерин, телефондун номерин (электрондук почта дареги болгон учурда) толук көрсөтүү менен жөнөтүлүшү керек.

Бүткүл дүйнөлүк почта уюмунун Эл аралык бюросу түздөн-түз окуу жайлардан же айрым жактардан келген дилбаяндарды кабыл албайт.

3. Сынакты уюштуруу:

“Кыргыз почтасы” ачык акционердик коомунун бардык филиалдары, Бишкек шаарындагы байланыш бөлүмдөрүн иштетүү боюнча кызматы Кыргыз Республикасынын Билим берүү жана илим министрлигинин райондук жана шаардык билим берүү бөлүмдөрү менен биргеликте айылдык мектептердин өзүнүн жерлеринде сынактын өтүүсүн уюштурат.

Дилбаян кыргыз, орус тилдеринде жазылса болот, каттын формасында үч негизги талаптарды сактоо керек жана төмөнкү критерийлердин негизинде бааланат:

а) каттын сол тарабынын өйдө жагында жазган күндүн датасын көрсөтүү; б) саламдашуу (киришүү бөлүгү) жана негизги текст. в) корутунду бөлүгү (резюмесин жазуу) жана колу.

— каттын түзүмүн сактоо;

— берилген темага жооп берүүсү;

— чыгармачылык менен мамиле кылуу;

— сүрөттөрдү кошсо болот;

— сөздөрдүн саны 800 сөздөн ашпоосу керек.

4. Райондук жана шаардык деңгээлде сынактын байгелүү (сыйлоо) фонду төмөнкүнү түзөт:
5. 1-орун – белегинин өлчөмү – 2000 сом;
6. 2-орун – белегинин өлчөмү – 1500 сом;
7. 3-орун – белегинин өлчөмү – 1000 сом;
8. Кызыктыруучу байгелер 3 катышуучуга, белегинин өлчөмү 500 сомго чейин.

Республикалык деңгээлдеги байгелик фонду:

1. 1-орун – ноутбук;
2. 2-орун – планшет;
3. 3-орун – уюлдук телефон;
4. Кызыктыруучу байгелер 5 катышуучуга, белегинин өлчөмү 1000 сомго чейин жана 10 катышуучуга 500 сомго чейин.
5. Сынактын жыйынтыгын чыгаруу:

5.1. Сынак эки этапта өткөрүлөт:

5.1.1. I-этап “Кыргыз почтасы” ачык акционердик коомунун райондук, шаардык (айылдык мектептерди кошкондо) филиалдарынын, аймактык департаменттеринин жана Бишкек шаарындагы байланыш бөлүмдөрүн иштетүү боюнча кызматынын деңгээлинде.

5.1.2. Айылдык, райондук жана шаардык мектептердин сынактын катышуучуларынан “Кыргыз почтасы” ачык акционердик коомунун тийиштүү аймактык департаменттеринин, филиалдарынын, Бишкек шаарындагы байланыш бөлүмдөрүн иштетүү боюнча кызматынын дарегине заказдык каттар 2023-жылдын 7-апрелине чейин кабыл алынат. 7-апрелден кийин келген каттар (байланыш бөлүмүнүн календарлык штемпелине ылайык) каралбайт.

5.1.3. Калыстар тобунун мүчөлөрү “Кыргыз почтасы” ачык акционердик коомунун аймактык департаменттеринин, филиалдарынын, Бишкек шаарындагы байланыш бөлүмдөрүн иштетүү боюнча кызматынын жана Кыргыз Республикасынын Билим берүү жана илим министрлигинин райондук, шаардык билим берүү бөлүмдөрүнүн өкүлдөрү менен биргеликте сынактын Жобосуна ылайык райондук жана шаардык деңгээлде үч эң жакшы дилбаянды тандашат (биринчи, экинчи, үчүнчү орун), ошондой эле 3 өзгөчө айырмаланган дилбаяндарды кызыктыруучу байге менен сыйлоого тандашат.

5.1.4. Каттарды кароо, жыйынтыктарды чыгаруу жана 1-3 орунга жеңүүчүлөрдүн каттарын тандоо, ошондой эле 3 катка чейин кызыктыруучу байгелерди алган каттар “Кыргыз почтасы” ачык акционердик коомуна 2023-жылдын 17-апрелине чейин жиберилиши керек.

5.2. II-этап Республикалык деңгээлдеги сынактын жыйынтыгын I-этапта тандалган каттарды эске алуу менен 2023-жылдын 28-апрелине чейин чыгаруу.

5.2.1. II-этапта калыстар тобу “Кыргыз почтасы” ачык акционердик коомунун жана Кыргыз Республикасынын Билим берүү жана илим министрлиги менен биргеликте сынактын Жобосуна ылайык республикалык деңгээлдеги үч мыкты дилбаянды (биринчи, экинчи, үчүнчү орун) тандашат жана ошондой эле кызыктыруучу байге менен сыйлоо үчүн өзгөчө айырмаланган дилбаяндарды тандашат.

5.2.2. Республикалык деңгээлде биринчи орунду ээлеген катышуучунун дилбаянын “Кыргыз почтасы” ачык акционердик коомунун Бүткүл дүйнөлүк почта уюмунун Эл аралык бюросуна бардык керектүү документтери менен коштоп, дүйнөлүк масштабдагы сынакка катышуу үчүн 2023-жылдын 5-майынан кеч эмес жөнөтөт.

5.2.3. Биринчи этаптагы жеңүүчүлөргө байгелерин мектептерде, окуучулардын, “Кыргыз почтасы” ачык акционердик коомунун, жергиликтүү өз алдынча башкаруу, Кыргыз Республикасынын Билим берүү жана илим министрлигинин райондук жана шаардык билим берүү бөлүмдөрүнүн өкүлдөрүнүн катышуусу менен массалык маалымат каражаттары, социалдык тармактар аркылуу чагылдыруу менен салтанаттуу тапшыруу мүмкүн болушунча Кыргыз Республикасынын Байланыш күнүнө карата 2023-жылдын 7-майына чейин же акыркы коңгуроодо 25-майында өтүүсү керек.

5.2.4 Экинчи этаптагы жеңүүчүлөргө байгелерин “Кыргыз почтасы” ачык акционердик коомунун 9-октябрь Бүткүл дүйнөлүк почта күнүнө карата өткөрүлгөн салтанат аземинде, Кыргыз Республикасынын Билим берүү жана илим министрлигинин өкүлдөрүнүн катышуусу менен массалык маалымат каражаттары, социалдык тармактар аркылуу чагылдыруу менен салтанаттуу тапшыруу өтүүсү керек.

6. Дүйнөлүк масштабдагы сыйлыктар:

а) Эл аралык сынактын үч жеңүүчүсү медаль алышат (биринчи орунга алтын медаль, экинчи орунга – күмүш медаль, үчүнчү орунга – коло медаль), грамоталарды, ошондой эле башка Бүткүл дүйнөлүк почта уюмунун Эл аралык бюросу менен берилүүчү байгелер.

Алтын медаль менен сыйланган жеңүүчү ошондой эле Бүткүл дүйнөлүк почта уюмунун Эл аралык бюросунун байгесин алуу үчүн Берн (Швейцария) шаарына бекер барып келүүсү менен сыйланат.

Кызыктыруучу байгеге ээ болгон катышуучулар ошондой эле грамоталар жана Бүткүл дүйнөлүк почта уюмунун Эл аралык бюросунун берген байгелери менен сыйланат.

Бүткүл дүйнөлүк почта уюмунун Эл аралык бюросу жеңүүчүлөргө, алардын мамлекетине жана жалпы эпистолярдык жанрдагы сынакка коомдун көңүлүн буруу үчүн бул иш чараны прессада чагылдырууну уюштурат.

7. Эл аралык эпистолярдык жанрдагы дилбаяндар сынагын чагылдыруу:

Кыргыз Республикасынын массалык маалымат каражаттарында (“Кут Билим” медиа борборунда, “Кыргыз почтасы” мамлекеттик ишканасынын, Кыргыз Республикасынын Билим берүү жана илим министрлигинин сайттарында жана башка массалык каражаттарында жана социалдык тармактарда) сынактын өтүүсү жана жыйынтыгы жөнүндө маалыматтар жарыяланып турат.

3-тиркеме

Кыргыз Республикасынын Билим берүү жана илим министрлигинин жана

“Кыргыз почтасы” ачык акционердик коомунун

2023-ж. “___”____________№________

2023-ж. “___”____________№________

биргелешкен буйругу менен бекитилди

“Сиз супербаатыр экениңизди жана Сиздин миссияңыз – дүйнө жүзү боюнча бардык
жолдорду балдар үчүн коопсуз кылуу экендигин элестетиңиз. Сиздин миссияңызды ишке ашырууга жардам бере турган кандай супер жөндөмдүүлүктөр керек боло тургандыгы жөнүндө түшүндүрүп, кимдир бирөөгө кат жазыңыз” деген темадагы жаштар арасында эл аралык эпистолярдык жанрдагы дилбаяндар сынагын өткөрүү боюнча иш—чаралар
ПЛАНЫ

Кыргыз Республикасынын Билим берүү жана илим министрлигинин

Мектептеги билим берүү жана китеп басып чыгаруу саясаты башкармалыгынын башчысы       С.К. Умралиева

 “Кыргыз почтасы” Ачык акционердик коомунун эл аралык кызматташтык секторунун башчысы    С.А.Акылбекова