«ӨЗГӨЧӨ КЫРДААЛДАРДА ЖМКНЫН РОЛУ»

Ушундай аталыштагы эл аралык онлайн конференция 3-майда Аль-Фараби атындагы Казак улуттук университетинин журналистика факультети тарабынан өтүп, ага  Кыргызстандан Ж.Баласагын атындагы КУУнун журналистика факультетинин деканы А.Дуйшекеева, ага окутуучусу А.Түмөнбаев, Биринчи радионун башкы редактору Т.Сыдыкбекова, «Эркин Тоо» гезитинин башкы редакторунун орун басары А.Чербеков катышты.

Иш-чара «Биз биргебиз!» деген ураандын алдында өттү. Ага казакстан, кыргызстандыктардан сырткары Башкортостандын, Швециянын журналисттери, окутуучулары, окмуштуулары да катышып, өлкө аймагындагы өзгөчө кырдаал жана өзгөчө абал учурунда ЖМКнын ишмердүүлүгү боюнча билдирүүлөрдү жасашып, тажрыйба алмашышып, ой бөлүшүштү.

КУУнун журналистика факультети уюштуруучулар — профессор Рахима Нуриденге, модератордун милдетин аткарган ага окутуучу Шарипа Нуржановага ыраазычылык билдирет.