ӨЗБЕКСТАН ЭМНЕ ҮЧҮН БИЛИМ БЕРҮҮ МИНИСТРЛИКТЕРИН БИРИКТИРДИ?

Өзбекстан билим берүү министрликтерин окутуунун бардык баскычтарынын ортосундагы чачырандылыкты жоюу, үзгүлтүксүз билим берүү чынжырын түзүү жана башкарууну борборлоштуруу үчүн бириктирди.

2026-жылдын октябрь айында Өзбекстандын Президенти Шавкат Мирзиёевдин жарлыгы менен Мектепке чейинки жана мектептик билим берүү министрлиги менен Жогорку билим берүү, илим жана инновациялар министрлиги бириктирилип, бирдиктүү Билим берүү жана илим министрлиги түзүлдү.

Бул реформанын негизги себептери жана максаттары
Негизги максаты — үзгүлтүксүз тутумду калыптандырууну көздөйт. Биринчиден, бала бакчадан баштап, мектеп, жогорку окуу жай жана академиялык илимге чейинки өнүгүү жолун бирдиктүү тутумга салуу. Экинчиден, мектеп менен университеттердин ортосундагы байланышты күчөтүү, окуучулардын кийинки баскычка өтүүсүн жеңилдетүү. Ошондой эле бардык билим берүү мекемелеринде бирдей заманбап талаптарды, сапат стандарттарын жана бирдиктүү тарбия тутумун киргизүү.

Мындан тышкары тармактык чачырандылыкты азайтып, коом алдында жоопкерчиликтүү болгон натыйжалуу башкаруу түзүмүн түзүү жана адам капиталын өнүктүрүүнү жаңы деңгээлге көтөрүүнү көздөйт.

Гүлнара АЛЫБАЕВА, «Кут Билим»