“ЫСЫК-КӨЛ ДОСТОРУН ЧАКЫРАТ-2020” XI ЭЛ АРАЛЫК ЭТНО-КАРНАВАЛЫНЫН ЖОБОСУ

Буйрук № 1492/1 2019-жылдын 20-декабры

Улуу Жеңиштин 75 жылдыгына арналган «Ысык-Көл досторун чакырат-2020» XI Эл аралык этно-карнавалын өткөрүү жөнүндө

Кыргыз Республикасынын «Билим берүү жөнүндө» Мыйзамынын 18-беренесине ылайык, Улуу Ата Мекендик согуштагы Жеңиштин 75 жылдыгына арналган иш чаралардын алкагында, Кыргызстандын, КМШ жана чет өлкөлөрдүн этномаданияттык баалуулуктарын өздөштүрүү, кайра жаңылантуу жана сактоо, достук мамилени орнотуу, маданият аралык диалогду өнүктүрүү. Ата мекенди сүйүүгө, патриоттуулукка тарбиялоо, ар түрдүү өлкөлөрдүн таланттуу балдарынын жана жаштарынын чыгармачылык жактан мамиле түзүүсүнө көмөк көрсөтүү, кошумча билим берүү мугалимдеринин усулдук, билим берүүчүлүк, чыгармачылык иштери боюнча тажрыйба алмашуусуна шарт түзүү максатында, буйрук кылам:

1.«Ысык-Көл досторун чакырат-2020» Эл аралык этно-карнавалы 2020-жылдын 13-20-июлунда өткөрүлсүн.

2.Этно-карнавалды өткөрүү боюнча уюштуруу тобу, жобосу жана катышуучулардын бөлүштүрүү курамы 1, 2, 3 – тиркемеге ылайык бекитилсин.

3.Аймактардан келген катышуучулардын жетекчилеринин иш сапарга кеткен чыгымдары иш сапарга жөнөткөн тараптан каржылансын.

4.Этно-карнавалды уюштуруу жана өткөрүү «Балажан» Республикалык эстетикалык тарбия берүү окуу-усулдук борборуна (Д.С.Мусина) жүктөлсүн.

5.Эл аралык этно-карнавалын өткөрүүгө кеткен чыгымдарды каржылоо «Балажан» Республикалык эстетикалык тарбия берүү окуу-усулдук борборуна бөлүнгөн каражаттын эсебинен жүргүзүлсүн.

6.Бул буйруктун аткарылышын көзөмөлдөө Мектепке чейинки, мектепте жана мектептен тышкаркы билим берүү башкармалыгынын башчысына (М.Ж.Усеналиев) жүктөлсүн.

Министрдин орун басары               Джусупбекова Н.С.

Улуу Ата-Мекендик согуштагы Жеңиштин 75 жылдыгына арналган “ЫСЫК-КӨЛ ДОСТОРУН ЧАКЫРАТ-2020” XI  ЭЛ АРАЛЫК ЭТНО-КАРНАВАЛЫНЫН ЖОБОСУ

Этно – карнавалдын максаты:  Кыргызстандын, КМШ өлкөлөрүнүн жана чет өлкөлөрдүн этномаданияттык баалуулуктарын өздөштүрүү, кайра жаңылантуу жана сактоо;  достук мамилени орнотуу, маданият аралык диалогду өнүктүрүү; ар түрдүү өлкөлөрдүн таланттуу балдарынын жана жаштарынын чыгармачыл баарлашуусуна шарт түзүү; кошумча билим берүү мугалимдеринин усулдук, билим берүүчүлүк, чыгармачылык иштер боюнча тажрыйба алмашуусу.

Этно – карнавалдын уюштуруучулары:

• Кыргыз Республикасынын Билим берүү жана илим министрлиги
• «Балажан» Республикалык эстетикалык тарбия берүү окуу-усулдук борбору – ЮНЕСКОнун Кыргызстандагы Алгачкы клубу

Өнөктөштөр:

• ЮНЕСКО клубдарынын Азиялык-Тынч океандык Федерациясы жана Ассоциациясы (Кыргызстан)
• Каз ФУГА
• Балдарга кошумча билим берүүнүн Евразиялык Ассоциациясы
• ЮНЕСКОнун Кыргызстандагы Клубдарынын Ассоциациясы
• КРнын маданият, туризм жана маалымат министрлиги
• Бишкек шаарынын мэриясы
• Республикалык МАИ.

Өткөрүү орду:

• Бишкек шаары, Кыргызстан.
• Ысык-Көл областы (күнгөй жээги), Кыргызстан.

Этно-карнавалга катышуучулардын жаш курагы 9 жаштан 17 жашка чейин.

Этно-карнавалдын өтүү мөөнөтү:

• Этно-карнавалга 2020-жылдын 13-июлунда саат 15:00дөн 19:00гө чейин Бишкек шаарына келүү.
• Этно-карнавалдын ачылышы 2020-жылдын 14-июлунда Бишкек шаарында өтөт.
• 2020-жылдын 14-июлунда саат 15:00дө Бишкек шаарынан Ысык-Көл областына чыгуу.
• 2020-жылдын 20-июлунда 10:00дө Ысык-Көл областынан Бишкек шаарына келүү жана андан ары Бишкек шаарынан жөнөп кетүү.

2020-жылдын 14-20 июлундагы этно-карнавалдын программасы:

• өлкөнүн этномаданиятын көрсөтүү (бий, ыр жана музыкалык фольклор);
• этно-карнавалдын катышуучуларынын гала-концерти;
• Кыргызстандан, Россиядан, Өзбекстандан, Индиядан өнөр чеберлери менен өтүлүүчү бий, вокал, элдик аспаптар боюнча мастер-класстар.
• Этно-карнавалдын алкагында балдар чыгармачылыгынын “Ысык-Көл досторун чакырат” аттуу VII эл аралык сынагы: эстрадалык ыр, элдик аспап, элдик бий аталмалары боюнча өткөрүлөт.

Программанын педагогикалык камсызданышы:

1. Ар бир өкүлчүлүккө коштоочу (гид).
2. Программага интерактивдик, таанып билүүчүлүк оюндарды, сынактарды, суроо-жоопторду камтыган кечки иш чаралар өтөт.
3. Өлкөнүн же аймактын маданияты менен тааныштыруу кечелери.

Өкүлчүлүктөрдүн жетекчилери  үчүн IX эл аралык илимий-практикалык конференция өткөрүлөт.

Жашоо шарттары:  3-4-5-6 орундуу, бардык ыңгайлуулуктар каралган бөлмөлөр, 5 жолу тамактануу.

Катышуучулар өздөрү менен зарыл болгон бардык каражаттарды алып келүүлөрү керек:

• Музыкалык чыгармачылык жамааттар:
• өз өлкөсүн, аймагын көрсөтүү үчүн улуттук кийимдер;
• мини дискте, (USB) флеш-топтоочуда фонограммалар;
• ачылышта өз өлкөсүн же аймагын көрсөтүүчү 3-8 мүнөттүк аталмалар боюнча музыкалык номер;
• Бий боюнча сынакка катышуучулар: машыгуу үчүн кийим, чешкалар, мини дискте, (USB) флеш-топтоочуда фонограмма;
• Ыр боюнча сынакка катышуучулар: фонограммы (плюс, минус), концерттик костюмдар;
• Аспап боюнча сынакка катышуучулар: элдик аспаптар, улуттук костюм.

15тен (он беш) ашык сандагы топтун жетекчиси уюштуруу төгүмүнөн бошотулат. Көңүл бургула!

Өкүлчүлүктөр:

— өз өлкөсүнүн стандарттык көлөмдөгү 2 желек алып келүүлөрү керек (бир желекти илгичке илип жогору көтөргөнгө, экинчиси парадга катышуу үчүн) майда желектер катышуучулардын санына жараша, жарнамалык буклеттер, маалымат баракчалар, катышуучу өлкө жөнүндө билдирген ар түрдүү материалдар;

— ар бир өкүлчүлүк расмий өкүлдөргө тапшыруу үчүн 3 улуттук белек алып келүүлөрү зарыл;

— CD, флеш-топтоочуда (USB) жана мини-дискте жазылган өз өлкөсүнүн Гимнинин  фонограммасы.

Этно-карнавалга келген учурда бардык уюштуруу маселелери түздөн-түз топтун жетекчиси менен чечилет.

Этно-карнавалга катышууга жана автобустагы орунга өтүнмөнү 2020-жылдын 1-апрелине чейин [email protected] электрондук почтасына жиберүү зарыл.

Жиберилген өтүнмөлөргө ылайык, уюштуруучулар 15-апрелге чейин этно-карнавалга катышууга расмий чакыруу жиберишет. Расмий чакыруу алган өкүлчүлүктөр этно-карнавалдын катышуучулары болуп саналышат. Расмий чакыруудан кийин катышуучулардын сандык курамы жана аты-жөнү өзгөртүлбөйт!  

Чет өлкөлүк катышуучулардын этно-карнавалдын өтүү ордуна чейинки жол киреси жөнөтүүчү тараптын же катышуучулардын өз эсебинен жүргүзүлөт.

Этно — карнавал боюнча материалдар «Балажан» борборунун www.balajan.kg  сайтында жайгаштырылган.

Күндүн, эс алуунун жана чыгармачылыктын дүйнөсүнө кош келиңиздер!

 Улуу Ата-Мекендик согуштагы Жеңиштин 75 жылдыгына арналган

“Ысык-Көл досторун чакырат-2020” эл аралык этно-карнавалына катышууга Өтүнмө

Кыргызстан,  13 -20 июль, 2020-ж.

БУЛ ФОРМАНЫ толтуруп, 2020-жылдын 1-апрелинен кеч эмес жибериңиздер

Биздин байланыштар: Кыргыз Республикасы, Бишкек ш., Москва көч. 53. (+996 312 383260, +996 312 881211, + 996 312 486475, факс: +996 312 486319; e-mail: [email protected]; сайт: www.balajan.kg).

Кайрылыңыздар:

Мусина Дария Сапарбековна — «Балажан» борборунун директоруна,

Молдалиева Замира Абыкановна – «Балажан» борборунун директорунун орун басарына,

Акбаралиева Адиля Ильдаровнага

Тиркеме 2.1.

 Улуу Ата-Мекендик согуштагы Жеңиштин 75 жылдыгына  арналган “Ысык-Көл досторун чакырат-2020” балдар чыгармачылыгынын VII эл аралык сынагынын  ЖОБОСУ

Региондорду өнүктүрүү жана өлкөнү санариптештирүү жылына арналган “Ысык-Көл досторун чакырат-2020” балдар чыгармачылыгынын VII эл аралык сынагынын

уюштуруу комитети жаш ырчыларды, бийчилерди жана музыканттарды сынакка катышууга чакырат.

Сынактын уюштуруучулары:

• Кыргыз Республикасынын Билим берүү жана илим министрлиги
• «Балажан» Республикалык эстетикалык тарбия берүү окуу-усулдук борбору
• «Барчын» балдардын эл аралык спорттук, ден-соолук чыңдоочу комплекси

 Сынактын максаты жана милдеттери:

• Сынакка катышуучу балдардын жарандык жана патриоттук аң-сезимин өнүктүрүү.
• КМШ өлкөлөрүнүн жаш муундарынын өкүлдөрүнүн ортосундагы жогорку хореографиялык өнөрдү жана маданиятты бекемдөө, өнүктүрүү жана алдыга жылдыруу.
• КМШ өлкөлөрүнүн балдарына жана өспүрүмдөрүнө маданият, искусство менен таанышууга жана өз өлкөлөрүнүн көркөм салттарынын үлгүлөрүн көрсөтүү үчүн кеңири мүмкүндүктөрдү берүү.
• Таланттуу балдарга жана жаштарга алардын чыгармачылык дараметин ишке ашырууда колдоо көрсөтүү.
• Элдик чыгармачылыктын көп түрдүүлүгүн өнүктүрүүгө жана сактоого жардам берүү.
• Балдардын жана өспүрүмдөрдүн көркөм жамааттарынын көркөм жетекчилеринин жана алардын уюштуруучуларынын тажрыйба алмашуусу үчүн шарт түзүү.
• Сынактын катышуучуларынын өз өлкөсү үчүн жоопкерчилигин, лидердик сапатын өнүктүрүү.

 Сынактын программалык талаптары:

Сынакка катышуучулар сөзсүз түрдө сынактык өтүнмөнү толтуруулары керек.

Сынактык өтүнмөсүз катышуучулар сынакка киргизилбейт.

Сынактын катышуучуларына даярдык көрүү убактысы кепилденет.

Сахнага чыгуу кезеги ат калчоо менен аныкталат.

Бардык чыгармалар жатка аткарылат.

Сынактар бардык аталмалар боюнча айкын өткөрүлөт.

Сынактын калыстар тобу.

Сынактын калыстар тобунун курамы Уюштуруу комитети менен түзүлөт. Калыстар тобунун курамына: кыргыз жана чет өлкөлүк эстрада жылдыздары, балдар музыкалык мектептеринин жана балдар өнөр мектептеринин, жогорку, атайын-орто окуу жайларынын  алдыңкы мугалимдери, Кыргыз Республикасынын искусствосуна эмгек сиңирген ишмерлер кирет. Аталган иш чарага катышуучуларды алып келген жетекчилер калыстар тобунун катарына кире албайт.

Калыстар тобу укуктуу:

-сынактын баш байгесин ыйгарууга;

-катышуучуларды диплом менен сыйлоого, сувенир белектерди тапшырууга;

-атайын сыйлыкты ыйгарууга;

-сынакка даярдаган жана катыштырган мыкты мугалимдерге жана өздүк көркөм чыгармачылык жетекчилерине ыраазычылык каттарды тапшырууга;

-эч кандай сыйлыктарды тапшырбоого.

Калыстар тобу регламенттен чыккан аткарууларды токтотуп коюуга чечим чыгарууга укуктуу.

Жобонун талаптарына туура келбеген аткарууларду калыстар тобу баалабайт.

Сынактын жыйынтыгы боюнча ар бир аталмада калыстар тобу топтордун жетекчилери, мугалимдер, өздүк көркөм чыгармачылык жетекчилери үчүн аткарууларды жана сынактын жыйынтыгын талкуулоо менен “тегерек стол” өткөрөт.

Ар бир аталма боюнча калыстар тобу пикир алмашуу жана добуш берүү жолу менен чечим кабыл алат.

Калыстар тобунун чечими анын мүчөлөрү кол койгон токтомго киргизилет.

Калыстар тобунун чечими сынак болгон күнү жарыяланат жана кайра каралбайт.

Уюштуруучулар “Ысык-Көл досторун чакырат — 2020” балдар чыгармачылыгынын VII эл аралык сынагынын программасынын Жобосуна өзгөртүүлөрдү киргизүү укугун өзүнө катырыт.

Региондорду өнүктүрүү жана өлкөнү санариптештирүү жылына арналган “Ысык-Көл досторун чакырат-2020” балдар чыгармачылыгынын VII эл аралык сынагына катышуга өтүнмө.

 БУЛ ФОРМАНЫ толтуруп, 2020-жылдын 1-АПРЕЛИНЕН кеч эмес жөнөтүңүздөр. 

Бардык кошумча суроолор боюнча уюштуруу тобуна төмөнкү дарек боюнча кайрылыңыздар: Кыргыз Республикасы, Бишкек ш., Москва көч. 53  (+ 996 ) 312 383260,  (+ 996 ) 312 486475, телефондору боюнча. Факс: (+ 996 ) 312 486319, E-mail: [email protected], www.balajan.kg сайтына

Байланышта Акбаралиева Адиля Ильдаровна, тел.: (+ 996 ) 772662897