ЯПОНИЯ БИЛИМ САПАРЫ

Кыргызстан эл аралык университетинин  Филология кафедрасынын башчысы, ф.и.д., профессор Караева Зина Караевна 2023-жылдын 18-августунан 28-августуна чейин Японияга барып келди.

Япониядагы Шин Шу университетине профессор өзү эмгектенген UNPK MUK атынан барган. Ал  Глобалдык билим берүү жана кызматташтык борборунун вице-президенти,  профессор Доктор Сато Томонори менен жолугушту.
Бул жөнөкөй окуя эл аралык мамилелерди жана кызматташтыкты өнүктүрүүдөгү маанилүү кадам болду. Билим сапарында профессор  Караева З.К Шин Шу университетинин эл аралык пландоо бөлүмүнүн башчысы, доцент, доктор Кенжи Харада менен конструктивдүү талкууларды өткөрдү. Бул баарлашуулар, албетте, горизонтторду мындан ары да кеңейтүүгө жана студенттер жана изилдөөчүлөр үчүн жаңы мүмкүнчүлүктөрдү түзүүгө мүмкүндүк берет.

— Биз дүйнөлүк билим берүүдөгү активдүү ролубуз менен сыймыктанабыз жана бул сапардын жыйынтыгын чыдамсыздык менен күтөбүз! – дешет Филология кафедрасынын окутуучулары.

А.АЛИБЕКОВ, «Кут Билим»