ТАШКЕНТ МТУ ӨКҮЛДӨРҮ ОШТУДА

ОшТУнун ректору Ж.Турсунбаев Мухаммад аль-Хорезми атындагы Ташкент маалыматтык-технологиялык университетинин Фергана филиалынын эл аралык мамилелер бөлүмүнүн башчысы Ш.Тошпулатов жана коммерциялык бөлүмүнүн башчысы Н.Мамадалиев менен жолугушту.

Жолугушуунун жүрүшүндө эки окуу жайдын ортосундагы түзүлгөн келишимдин негизинде жүргүзүлүп жаткан иштерди улантуу жана жаңы долбоорлорду биргелешип ишке ашыруу тууралуу талкуу жүрдү. Андан сырткары, келечекте эки тарап биригип тиешелүү багыттар боюнча факультет ачуу, кош диплом берүү маселелери каралды.

Бүгүнкү сүйлөшүүлөрдө айтылган идеялар эки тараптуу макулдашуулардан соң ишке ашырылып калса, келечекте бүтүрүүчүлөр эки өлкөнүн тең дипломуна ээ болмокчу. Бул учурдагы билим берүүнүн эл аралык стандартынын талаптарынын бири болуп саналат.