ТАЛАС: МУГАЛИМДЕРДИ ДАЯРДОО УЛАНУУДА

Кыргыз Республикасында 12 жылдык билим берүүгө өтүүнүн алкагында мугалимдердин кесиптик даярдыгын жогорулатууга багытталган окуулар этап-этабы менен жүргүзүлүүдө.

Маалыматка таянсак, 19-августтан тартып графиктин негизинде атайын даярдалган тренерлердин жардамы менен Талас районундагы жана Талас шаарындагы  төмөнкү багыттар боюнча сабак берген мугалимдер окуудан өтүп жатышат:

1-2-3-класстардын башталгыч класстарынын мугалимдери;

5-класстын «Табигый илимдер» сабагынын мугалимдери;

7, 8-класстардын физика, химия, биология мугалимдери;

5, 7, 8-класстардын математика мугалимдери.

Окутуунун негизги максаты — мугалимдерге 12 жылдык билим берүүнүн жаңы мазмунун, окутуунун заманбап ыкмаларын жана жаңы окуу программаларын терең өздөштүрүүгө шарт түзүү.

Сапаттуу билим — кесипкөй мугалимден башталат!

Г.А., “КБ”