ТАБИГЫЙ ИЛИМДЕР БОЮНЧА ЖАҢЫ ИШ ДЕПТЕРЛЕР ДАЯР!

Билим берүү тармагындагы дагы бир жакшы жаңылык — 3 жана 6-класстын окуучулары үчүн «Табигый илимдер» окуу-методикалык комплексинин иш дептерлери басылып чыкты.

Маалыматка таянсак, иш дептерлер кыргыз жана орус тилдеринде жалпы 345 миңден ашуун нускада даярдалып, «Учкун» басмаканасынан жарык көрдү.

3-класс:

• кыргыз класстар үчүн — 103 757 нуска
• орус класстар үчүн — 74 755 нуска

6-класс:

• кыргыз класстар үчүн — 99 480 нуска
• орус класстар үчүн — 67 415 нуска

Учурда жаңы окуу материалдарын өлкө аймагындагы жалпы билим берүү уюмдарына жеткирүү иштери жүрүп жатат.

Максат — жаңы окуу жылында окуучуларды керектүү жана сапаттуу окуу материалдары менен өз убагында камсыз кылуу.

Г.А., “КБ”