ТҮРК ТИЛИН ҮЙРӨНГӨНДӨР СЕРТИФИКАТТАРГА ЭЭ БОЛУШТУ

Жакында Ысык-Көл облусундагы түрк тили курстарын ийгиликтүү аяктаган угуучуларга сертификаттар тапшырылды.

Сертификат тапшыруу аземин ЫМУнун ректору Аскар Иманбаев ачып, угуучуларды курсту ийгиликтүү аякташы менен куттуктады. 2020-2021-окуу жылында түрк тилин үч группада 40 угуучу окуду. Ага ЫМУнун окутуучулары, студенттери, Ысык-Көл облусунун мектеп окуучулары жана Каракол шаарынын тургундары катышты. Курсту TÖMER түрк тилин окутуу борборунун окутуучу-волонтеру Мехмет Али Каплан окутту.

Аталган курс Ысык-Көл мамлекеттик университетинин жана TÖMER түрк тилин окутуу борборунун ортосунда түзүлгөн келишимдин негизинде 2019-2020-окуу жылынан баштап Ысык-Көл облусунун жашоочулары үчүн бекер өтүлүп келе жатат.