Сурдо грек-рим күрөшү боюнча жаштар курама командасы Дүйнө чемпионатында 2 медаль жеңди

Кыргызстандын сурдо грек-рим күрөшү боюнча жаштар курама командасы Дүйнө чемпионатында 2 медаль жеңди. Бул тууралуу Дене тарбия жана спорт департаменти билдирди.

Маалыматка ылайык, 60 кг чейинки салмакта Абдрасул Исмаилов алтын медаль тагынса, 67 кг чейинки салмакта Сыймык Чолпонбек уулу күмүш медалга болду.

Белгилей кетсек, мелдештер Бишкек шаарындагы Каба уулу Кожомкул атындагы спорт ордосунда өтүп жатат. 3-сентябрда башталган чемпионат 11-сентябрда жыйынтыкталмакчы.