«ШЕРИКТЕШТИКТИН БАЛДАРЫ»

«Шериктештиктин балдары» IX Эл аралык форуму ушул күндөрү Ысык-Көлдүн жээгинде өтүүдө.

Маалыматка ылайык, форумга Армения, Беларусь, Казакстан, Кыргызстан, Россия, Тажикстан жана Өзбекстандын мектеп окуучулары катышууда.

Форумдун жүрүшүндө окуучулар өз өлкөлөрүнүн улуттук каада-салттарын, үрп-адаттарын көрсөтүштү.  Мындан тышкары көргөзмөлөр, мастер-класстар, спорттук мелдештер, интеллектуалдык оюндар, билим берүүчү тренингдер, музыкалык сынактар, көркөм кечелер жана башка иш-чаралар каралган.

Форумдун алгачкы күнүндө “Креатив-Таалим” билим берүү комплексинин окуучулары өз өнөрлөрүн көрсөтүп, боз үй тигүү, улуттук оюндар жана кол өнөрчүлүк боюнча мастер-класстарды уюштурушту.

Гүлнара АЛЫБАЕВА, “Кут Билим”