С.ТЕНТИШЕВ АТЫНДАГЫ АЗИЯ ЭЛ АРАЛЫК УНИВЕРСИТЕТИ — ӨЛКӨНҮН ЭКОНОМИКАСЫНА ЖЫЛ САЙЫН 2,5 МЛРД СОМ КОШОТ

С.Тентишев атындагы Азия Эл аралык университети Кыргызстандын бюджетине жана экономикасына олуттуу салым кошуп келет. Бул тууралуу окуу жайдын негиздөөчүсү Эркин Тентишев билдирди.

Анын айтымында, 2018-жылы Кыргызстандын экономикасына кошкон салымы үчүн ошол кездеги Президент Сооронбай Жээнбековдун жарлыгы менен күтүүсүздөн «Даңк» медалы тапшырылган.

— Университеттин ишмердүүлүгү билим берүү экспортун өнүктүрүүгө да чоң таасирин тийгизүүдө. Учурда чет өлкөлөрдөн келген студенттердин билим алышы аркылуу өлкөнүн экономикасына жыл сайын болжол менен 2,5 млрд сом кошулууда. Бул — билим берүү экспорту аркылуу Кыргызстандын экономикасына кошулуп жаткан олуттуу салым, — деди Эркин Тентишев.

Г.А., “КБ”