ПУШКИНДИН ТИЛИ АЙТМАТОВДУН МЕКЕНИНДЕ

КР Президентинин Талас облусундагы ыйгарым укуктуу өкүлүнүн аппаратынын демилгеси менен уюштурулган  А. Пушкиндин 225 жылдыгына карата “Пушкиндин тили Айтматовдун мекенинде” аттуу кароо-сынактын жеңүүчүлөрү сыйланды.

Маалыматка ылайык, буга чейин сынакка мугалимдер, окуучулар катышып, жыйынтыгында жеңүүчү деп табылган 10 окуучу  Санкт-Петербург шаарына 10 күн  эс алуу туруна барып келишкен. Ал эми баш байгени жеңген үч окуучу Москвадагы эл аралык Патрис Лумумбы атындагы университеттин бюджеттик бөлүмүнө кабыл алынган.

7-апрелде жеңүүчү 10 мугалимге жана алар эмгектенген мектептер үчүн Талас Коппер Голд  компаниясы  интерактивдүү доскаларды жана ноутбуктарды белекке берди.

Үстүбүздөгү жылы кароо-сынактан байгелүү орундарга татыган  мугалимдер  Санкт-Петербург шаарында билимин жогорулатуу курсуна  катышаары пландалууда.

Гүлнара АЛЫБАЕВА, ”Кут Билим”