ОШТУНУН СТУДЕНТТЕРИ СТИПЕНДИЯГА ЭЭ БОЛУШТУ

Ош технологиялык университетинин Корей тили борборунун окутуучусу, профессор Лим Ён Шиг ОшТУнун 1-курсунун 10 студентине стипендия тапшырды.

Стипендияга ээ болгон студенттер мектепте окуп жүргөн кезинде эле   8-9-класстан баштап ОшТУдагы Сежоң корей тил борборунда корей тилин өздөштүрүшүп, корей тили боюнча TOPIK экзаменинен эң жакшы жыйынтыктарга жетишишкен. Стипендия студенттерге  ошол экзаменден алган баасына жараша 3 000 сомдон 15000 сомго чейин тапшырылды.

Эскерте кетсек, профессор Лим Ён Шиг мындан сырткары да бир нече программалар боюнча ар жыл сайын ОшТУнун студенттерине колдоо көрсөтүп келет.