ОШТУ ӨЗБЕКСТАН ЖОЖДОРУ МЕНЕН КЫЗМАТТАШАТ

ОшТУнун ректору Ж.Турсунбаев Өзбекстандагы Мукуми атындагы Кокон мамлекеттик педагогикалык институтунун окутуучулары менен жолугушту.

Жолугушууга Өзбекстандагы Мукуми атындагы Кокон мамлекеттик педагогикалык институтунун эл аралык байланыштар башкармалыгынын башчысы, филология илимдеринин доктору Ахмаджон Аликулов жана Өзбек мамлекеттик дене тарбиялык билим берүү жана спорт университетинин Фергана шаарындагы филиалынын эл аралык бөлүмүнүн башчысы докторант Дилдора Камбарова катышты.

Жолугушуунун жүрүшүндө ОшТУ менен аталган окуу жайлардын ортосунда  билим берүү жана илим тармагында кызматташуу, эл аралык долбоорлорду бирге ишке ашыруу, эл аралык деңгээлде спорттук достук турнирлерин өткөрүү боюнча келишимдерге кол коюлду. Ага ылайык, ОшТУ Өзбек мамлекеттик дене тарбиялык билим берүү жана спорт университетинин Фергана шаарындагы филиалы менен кызматташмакчы.