ОшМУнун студенттери корей тилин өздөштүрүшөт

ОшМУнун Эл аралык билим берүү программаларынын жогорку мектебинде “Хошим” корей тили жана маданияты борбору ачылып, пайдаланууга берилди. 

Борбор Кореянын Кванджу университети менен биргеликте ачылды. Мында окутуучулар, студенттер үчүн корей тилин тереңдетип өздөштүрүүгө, маданияты менен таанышууга шарттар каралган. Борбордун арты менен ОшМУнун окутуучулары, студенттери Кореяга окууга, иштөөгө жана тажрыйба алмашууга барса болот. Ошондой эле тил үйрөнүүнү каалагандар үчүн дагы борбордун эшиги ачык.

Ким Гап Ёнг аталган борбор аркылуу Кореяга окууга бара турган алгачкы студенттер үчүн өзүнүн фондунан каржылык колдоо көрсөтүлөрүн билдирди.

Корей тили, маданияты борборун оңдоп-түзөө, материалдык-техникалык жактан жабдуу иштерине Кванджу университети 20 миң доллар жумшаган.