ОшМУда “Ыйман” балдар бакчасы ачылды

Салтанаттуу аземге Ош шаарынын мэри Жеңишбек Токторбаев, ректор Кудайберди Кожобеков баштаган жамаат катышты.

Балдар бакча Ош шаарынын Манас-Ата кичи шаарчасынын Уркуя Салиева көчөсүндө жайгашкан.  140 орунга ылайыкташкан мекеме
ОшМУнун ички каражатынын эсебинен оңдоп-түзөөдөн өткөн.

ОшМУнун  “Ыйман” балдар бакчасы жеткинчектерди орус тили жана көп тилдүүлүккө басым жасап, тарбиялап окутат.  Андан сырткары балдардын жаш өзгөчөлүктөрүн эске алуу менен англис, арап, түрк тилдери үйрөтүлөт. Ал эми жогорку жана мектепке даярдоочу тайпаларда кыздар үчүн хореография, балдарга самбо ийримдери иштейт. Учурда балдар кабыл алынып, 3 тайпада балдар тарбияланууда.