ОШМУДА КАЛМАМАТ АБДИЕВ АТЫНДАГЫ КААНА АЧЫЛДЫ

  • 20.09.2021
  • 0
ОШМУДА КАЛМАМАТ АБДИЕВ АТЫНДАГЫ КААНА АЧЫЛДЫ

ОшМУнун орус филологиясы факультетинде филология илимдеринин кандидаты, доцент Калмамат Абдиевдин 60 жылдыгына арналган эскерүү кечеси жана «Филология жана педагогика илимдеринин өнүгүшүнүн азыркы тенденциялары» деген аталыштагы эл аралык конференция өттү. Иш-чаранын алкагында Калмамат Абдиев  атындагы каана ачылды.

ОШМУДА КАЛМАМАТ АБДИЕВ АТЫНДАГЫ КААНА АЧЫЛДЫ

Иш-чарага  окуу жайдын ректору Кудайберди Кожобеков, профессор Капар Зулпукаров, Алтай мамлекеттик медициналык университетинин доценти, окумуштуу Тимур Аюпов, Кыргыз Республикасынын эмгек сиңирген мугалими, Таш-Көмүр шаарынан келген Валентина Лукина, бирге иштеген кесиптештери, жакын санаалаштары, үй-бүлөсү катышты.

ОШМУДА КАЛМАМАТ АБДИЕВ АТЫНДАГЫ КААНА АЧЫЛДЫ

Каананын ачылыш аземинде коноктор доцент Калмамат Абдиевдин өмүр жолу, чыгармачылык ишмердүүлүгү, илим, билим берүүгө кошкон салымы, адамгерчилик асыл сапаттары боюнча сөз кылышып, басып өткөн жолу келечекте жаш мугалимдерге, студенттерге жол көрсөтүп, үлгү болуп каларын айтышты.

Орус филологиясы факультетинин жамааты демилге көтөрүп факультетте Калмамат Абдиев атындагы стипендия уюштулгандыгын билдирди. Стипендия жылына эки жолу окуу семестринин жыйынтыгы менен жобого ылайык өтөт. Ар бир семестрде мыкты деп тандалып алынган бир студентке 100$ стипендия каралган.

ОШМУДА КАЛМАМАТ АБДИЕВ АТЫНДАГЫ КААНА АЧЫЛДЫ

Абдиев Калмамат ОшПИде (азыркы ОшМУда) орус тили жана адабияты адистигинде Лениндик стипендия менен окуп, артыкчылык диплом менен бүтүргөн. Эмгек жолунда бир нече жогорку окуу жайларда окутуучу, улук окутуучу, декан, проректор кызматтарын аркалаган. 2012-жылы ОшМУнун окуу-информациялык департаментинин башкы адиси, орус тилинин практикалык курсу жана тил маданияты кафедрасында кафедра башчысы кызматында иштеген.

Өмүрлүк жубайы менен үч уул, бир кызды татыктуу тарбиялаган. Көзү тирүү болгондо быйыл 60 жашка толмок.

Бөлүшүү

Комментарийлер