ОШ ШААРЫНЫН ЖАШТАРЫ ҮЧҮН АКЫСЫЗ ТИЛ КУРСТАРЫ

Ош шаарынын мэриясынын  Ош шаардык жаштар иштери боюнча комитети жаштарга тил үйрөтүү максатында орус, англис, түрк тилдери боюнча акысыз курстарды уюштурууда.

Бул курстар заман талабына ылайык жаштардын башка тилдерди өздөштүрүп, тил үйрөнүүчүлүк жөндөмүн арттыруу менен бирге идиреги бар, тил үйрөнүүгө кызыккан жаштарга шык берип, башка тилдерди академиялык деңгээлде сүйлөп калуусуна шарт түзүүнү көздөйт.

• Бул курстар жаштардын сабаттуулугун жогорулатуу, алардын тил үйрөнүү жөндөмдүүлүгүн күчөтүү, билим алууга болгон кызыгуусун арттыруу максатын көздөйт. Ага каалоочулардын баардыгы катыша алат жана акысыз,  —  дейт Ош шаардык жаштар иштери боюнча комитетинин адиси Мизамидин уулу Бектурган.