ОМСК УНИВЕРСИТЕТТЕРИНЕ БЮДЖЕТТИК ОРУНДАРГА АБИТУРИЕНТТЕРДИ КАБЫЛ АЛУУ ЖАРЫЯЛАНДЫ

Кыргыз Республикасынын Новосибирск шаарындагы Башкы консулдугунун жана Кыргыз Республикасынын Омск шаарындагы Ардактуу консулу Исабек уулу Нурсултандын жардамы менен Омск шаарындагы ЖОЖдордун көчмө кабыл алуу комиссиясы Бишкек жана Ош шаарларындагы мектептердин бүтүрүүчүлөрү жана алардын ата-энелери менен жолугушат.

2023-жылдын 3-июлунан 8-июлуна чейин көчмө кабыл алуу комиссиясы адистиктер жөнүндө маалымат берүү, кабыл алуу үчүн документтерди чогултуу, кирүү экзамендерин өткөрүү жана төмөнкү ЖОЖдордо бюджеттик орундарды тандоо боюнча айтып беришет.

• П.А. Столыпин атындагы Омск мамлекеттик агрардык университети;
• Омск мамлекеттик байланыштар (транспорт) университети;
• Россия Федерациясынын Саламаттык сактоо министрлигинин Омск мамлекеттик медициналык университети;
• Омск мамлекеттик педагогикалык университети;
• Сибирь мамлекеттик автомобиль жана жол университети;
• Омск мамлекеттик техникалык университети;
• ибирь бизнес жана маалыматтык технологиялар институту.

Омск шаарынын жогорку окуу жайларына кабыл алууга байланышкан бардык суроолор боюнча Кыргыз Республикасынын Омск шаарындагы Ардактуу консулу Нурсултан Исабек уулуна +79136341799 телефон номери жана Telegram каналы (https://t.me/HconsulKG) аркылуу кайрылсаңыз болот.

Кененирээк маалымат — https://edu.gov.kg/announcements/262/