ОКУУЧУНУН НАРК КОДЕКСИ

  • 30.08.2023
  • 0

ОКУУЧУНУН НАРК КОДЕКСИ

  1. Мен чыныгы мекенчил катары Кыргыз Республикасынын Конституциясын, мыйзамдарын, мамлекеттик символдорун, Айкөл Манас атабыздын осуяттарын билем жана сыйлайм.
  2. Мен дүйнөдөгү эң байыркы элдин урпагы катары өзүмдүн тарыхымды, каада-салтымды, тилимди жана асыл нарктарыбызды баалайм.
  3. Мен ата-бабаларыбыздын нарк-насааттарын, улуу муундун ой-пикирин урматтайм.
  4. Мен ата-энемдин, мугалимдеримдин, классташтарымдын жана бардык мекендештеримдин укугун, кадыр-баркын сыйлайм.
  5. Мен талыкпай окуп, изденип, чет тилдерди, санариптик жаңы технологияларды, алдыңкы тажрыйбаларды үйрөнөм. Билим алуу менин эң негизги милдетим экенин түшүнөм.
  6. Мен адал эмгек менен гана баар таап, бакубат турмуш курууну максат кылам.
  7. Мен улуулардан үйрөнгөнүмдү кийинки муунга өткөрүп берүүгө милдеттенем.
  8. Мен мектеп буюмдарын сарамжалдуу колдоном жана аярлуу окуучулардын коопсуздугуна кам көрөм.
  9. Мен мектептин коомдук иш-чараларына жигердүү катышам. Мектепти аяктагандан кийин да жардамымды аябайм.
  10. Мен жаратылышка, айлана-чөйрөгө жана жан-жаныбарларга аяр мамиле кылам. Мен климаттын өзгөрүшүнө таасир эте аларымды билем.
  11. Мен жан дүйнөмдүн аруулугун, дене-бой тазалыгын сактап, мектебимдин жана бүтүндөй Кыргызстандын тазалыгы үчүн кам көрөм.
  12. Менин жетишкендиктерим менен ата-энем, мугалимдерим жана сүйүктүү мекеним сыймыктанышы үчүн бүт аракетимди жумшайм.
Бөлүшүү

Комментарийлер