МУГАЛИМДЕР ЖАТ ЖАЗУУ ЖАЗДЫ

Панфилов районундагы В.В. Казаченко атындагы №1 Кайыңды мектеп-лицейинде педагогдор жат жазуудан өтүштү. Ал 21-февралда белгиленүүчү “Эне тили эл аралык күнүнө” карата уюштурулуп, сабаттуу жазуу көндүмдөрүн жайылтуу максатын камтыды.

Райондун билим берүү бөлүмүнөн билдиргендей, методикалык кабинет даярдаган иш-чарага кыргыз тили жана адабияты мугалимдеринен тышкаркы башка предметтик 17 мугалим философиялык стилдеги “Мүнүшкөр”, “Алхимиктер”, “21-февраль – Эне тилинин эл аралык күнү” темаларында жат жазуу жазды. Ал мугалимдердин жат жазуусун райондук кыргыз тили жана адабияты предметинин усул жетекчилери Н.Кошалиева, Н.Молдобекова текшерип, ар бирине тиешелүү бааларды койду.

Иш-чаранын алкагында мугалимдер эне тилдин эл аралык күнүнө байланышкан маалыматтар менен жакындан таанышты.

А.Кашыбаева,
“Кут Билим”