МУГАЛИМДЕР КӨЧӨТ ТИКТИ

Аксы районуна караштуу №5 Асанбек Кабаев атындагы жалпы билим берүү орто мектебинин айлана-тегерегине Авлетим токой чарбасында өстүрүлгөн карагайдын көчөттөрү отургузулду.

Мектеп тегерегине мындан сырткары терек, кайың, арчанын жаңы көчөттөрүн отургузуу да пландаштырылууда.
Ар жуманын аягында мектепте ишембилик уюштурулуп, арыктар казылып, бак-дарактарды бутоо иштери жүргүзүлүп жатат.

Мектеп жамааты жашылдандыруу иштерине жакындан жардам көрсөткөн Авлетим токой чарбасынын жетекчилигине ыраазычылыгын билдиришип, мындай саамалыктар мындан ары да улана берерин белгилешти.

Шамшарбек АБДЫЖАПАРОВ,
Аксы району