МИНИСТР ЖАЛАЛ-АБАД ШААРЫНЫН ЖАНА СУЗАК РАЙОНУНУН МЕКТЕП ДИРЕКТОРЛОРУ МЕНЕН ЖОЛУГУШТУ

12-апрелде Билим берүү жана илим министри Догдуркүл Кендирбаева жана министрдин орун басары Муратбек Касымалиев Жалал-Абад облусуна болгон иш сапарынын алкагында Жалал-Абад шаарындагы жана Сузак районундагы мектеп директорлору менен жолугушту.

Жолугушууда министр Кыргыз Республикасынын “Алтын Казык” билим берүүнү трансформациялоо программасы менен тааныштырып, алдыда жасала турган иштер тууралуу айтып берди.