МИНИСТР МЕКТЕП-ИНТЕРНАТТАРДА ТАРБИЯЛАНГАН 700 БАЛАГА БЕЛЕК ТАПШЫРДЫ

Билим берүү жана илим министри Алмазбек Бейшеналиев өлкөбүздөгү балдар үйлөрүндө жана мектеп-интернаттарда тарбияланган жетим жана ден соолугунун мүмкүнчүлүгү чектелген 700 балага жаңы жылдык белектерди тапшырды.

Министр ар бир балага арналып жазылган өздүк каттарды, китептерди, таттууларды, жеке гигиена каражаттарын белек кылып, балдарга бекем ден соолук, кең келечек, окууларына ийгилик каалады.