МЕКТЕПТИК БИЛИМ БЕРҮҮ СИСТЕМАСЫНДАГЫ ОЮН ПРАКТИКАЛАРЫ

Кыргызстандык билим берүү кызматкерлери Орусиянын Уфа шаарындагы М.Акмулла атындагы Башкыр мамлекеттик педагогикалык университетинде «Мектептик билим берүү системасындагы оюн практикалары» аттуу окуу курсуна катышып келди. Бул тууралуу аталган курстун катышуучусу, Ош шаардык билим берүү башкармалыгынын башчысы Тынчтыкбек Досмуратов билдирди.

Маалыматка ылайык, орусиялык алдыңкы педагогдор тренерлик кылган бул окуу курсунда практикага басым жасалып, мектептик чөйрөдө оюн технологияларын натыйжалуу колдонуунун маанилүүлүгүнө көбүрөөк токтолушкан.

— Иш-чаранын жүрүшүндө аталган университеттин жетекчилиги менен мугалимдердин кесиптик чеберчилигин жогорулатуу, мектеп бүтүрүүчүлөрүн аталган окуу жайга жиберүү жана башка багыттарда тажрыйба алмашуу боюнча сүйлөшүү жүрдү, — деп кошумчалады Т. Досмуратов.

Гүлнара АЛЫБАЕВА, “Кут Билим”