МЕКТЕПТЕРДЕ МЫЙЗАМСЫЗ АКЧА ЧОГУЛТУУГА ТЫЮУ САЛЫНАТ

Кыргызстанда билим берүү системасында олуттуу өзгөрүүлөр жүрүп, мектептерде ата-энелерден акча чогултуу учурларын толугу менен токтотуу боюнча кадамдар көрүлүүдө.

Д.Кендирбаеванын айтымында, бул демилге билим берүү тармагында ачык-айкындуулукту күчөтүү, жана социалдык адилеттүүлүктү камсыз кылуу максатын көздөйт.
Расмий билдирүүлөргө ылайык, мектептерде “виньетка”, “акыркы коңгуроо”, бүтүрүү кечелери сыяктуу иш-чаралар үчүн ата-энелерден каражат чогултуу демилгелери мыйзамсыз деп эсептелип, толугу менен тыюу салынат. Бул кадам ата-энелерге болгон финансылык жүктү азайтууга жана билим берүү процессин тең мүмкүнчүлүктөр негизинде уюштурууга багытталган.

Малика АСАМАДИНОВА, «Кут Билим», И.Арабаев атындагы КМУнун журналистика факультетинин 1-курсунун студенти