МЕКЕН КОРГООЧУЛАРЫНА АРНАЛГАН ТАЙМАШ

19-февралда  Кара-Көл шаарындагы №718 аскер  бөлүгүндө шаардагы бардык мектептердин 9-10-11-класстарынын окуучулары үчүн «Ачык эшик күнү» болуп өттү.

Шаардык билим берүү бөлүмүнүн маалыматына караганда бул иш-чара «23-февраль — Ата Мекенди коргоочулар күнүнө» арналып, анын алкагында жогорку класстардын окуучуларынын арасында шаардык  «Мен мекен сакчысымын!» аттуу таймаш өткөрүлдү.

Таймаштын жыйынтыгында   Ч.Түлөбердиев атындагы №2  жалпы билим берүү инновациялык мектебинин «Ак тулпар» командасы 1-орунга,  Фрунзе атындагы №3 жалпы билим берүү  мектебинин «Десант» командасы 2-орунга,  Токтогул атындагы  №1 мектеп- гимназиясынын  «Айкөл Манас» тобу 3-орунга ээ болду. Шаардык мэрия тарабынан алты командага тең акчалай сыйлыктар берилди.

А. Алибеков, «Кут Билим»