Маданият министрлиги жаштарды колдоо багытында сынак жарыялайт

 Маданият, маалымат, спорт жана жаштар саясаты министрлиги мамлекеттик социалдык заказды ишке ашырууда коомдук пайдалуу долбоорлорду каржылоо үчүн жаштарды колдоо багытында сынак жарыялайт.

Ведомстводон билдиришкендей, сынактын катышуучуларына карата талаптар төмөндөгүдөй:

1) «Мамлекеттик социалдык заказ жөнүндө» Кыргыз Республикасынын Мыйзамынын 5-беренесинде каралган чөйрөлөрдө өз ишин жүргүзгөн, сынактын жарыяланган темасынын чөйрөсүндө бир жылдан кем эмес иш тажрыйбасы бар, мамлекеттик социалдык камсыздандыруу салыктары жана камсыздандыруу төгүмдөрү боюнча карызы жок коммерциялык эмес уюмдар (саясий партиялардан тышкары) сынактын катышуучулары боло алышат.

2) Катышуучу юридикалык жак катары катталышы керек жана өзүнүн банктык эсеби болушу зарыл. Эгерде сынактын катышуучусунун банктык эсеби болбосо, ага сынактын документтерди берген күндөн тартып 10 календардык күндүн ичинде банк эсебин ачуу мүмкүнчүлүгү берилет.

3) Бир нече коммерциялык эмес уюмдар келишимдик негизде долбоорлоо тобун (мындан ары — консорциум) түзөт жана сынакка катышуу үчүн жалпы арызды жана долбоорлоо сунушун берет. Мындай учурда арызда жана долбоорлоо сунушунда функциялар, бюджет, уюмдар ортосундагы жоопкерчилик жана алардын ар биринин долбоорду ишке ашырууга кошкон салымы чектелиши керек, ошондой эле коомдук пайдалуу долбоорлор сынактын катышуучусу катары консорциумдун атынан иштей турган консорциум мүчөсү аныкталышы зарыл.

4) Бир коммерциялык эмес уюм коомдук пайдалуу долбоорлорду ишке ашырууга сынактын бир темасынын алкагында бир гана консорциумдун курамында катыша алат. Бир коммерциялык эмес уюм коомдук пайдалуу долбоорлорду ишке ашырууга сынактын бир темасынын алкагында бир гана арызды бере алат.

1. Сынактын темалары (чечүү зарыл болгон социалдык көйгөйлөр жана/же коомдук пайдалуу максаттар; алардын кыскача баяндамасы):

— жаштар борборлорун колдоо;

— социалдык-маданий долбоорлор;

— инклюзивдик маданиятты колдоо;

— Керектөөнү азайтуу жана кайра иштетүү боюнча жаштардын катышуусундагы долбоорлор;

— жаштар ишканаларын түзүү;

— жергиликтүү деңгээлдеги жаштардын демилгелери;

— жаштардын медиа жана коммуникациялык долбоорлору;

— ыктыярчылык долбоорлор;

— технологиялык курстар жана воркшоптор;

— санариптик билим берүү жана платформалар.

Максаты: жаштарды өнүктүрүү, социалдаштыруу, билим берүү, ден соолук, активдүү жарандык катышуу жана кесиптик өзүн-өзү ишке ашыруу үчүн жагымдуу шарттарды түзүү.

1. Милдеттер: Маданий жана чыгармачылык өнүгүү, жаштарды экологиялык принциптерге окутуу, жаштарды ишке орноштуруу, жарандык катышуу, жаштарды социалдаштыруу, жаштарды санариптик сабаттуулукка окутуу.

2. Гранттын максималдуу суммасы 1 000 000 сом.

3. Максималдуу босого (гранттык сумманын пайыздык көрсөткүч менен) коомдук пайдалуу долбоорду аткаруучунун административдик чыгымдарына (15%);

4. Ишке ашыруу мөөнөтү: 2025-жылдын 1-декабрына чейин.

2023-2025-жылдарга мамлекеттик социалдык заказдын программасы менен төмөнкү булактардан таанышууга болот: https://minculture.gov.kg/ , https://jashtar.info/

Сынактын шарттары боюнча түшүндүрмө алуу үчүн 2023-жылдын 5-ноябрына чейин төмөндө телефондор аркылуу кайрылсаңыздар болот: 0 312 62 11 94; +996 502 666 696.

Бардык документтер мамлекеттик же расмий тилде электрондук алып жүрүүчүдө жана/же 2 көктөмдө берилүүгө тийиш. Долбоордук сунуштар 2023-жылдын 5-ноябрынан 13-ноябрга чейин кабыл алынат. Дареги: Бишкек шаары, Пушкин көч., 78, 102-кабинет (1-кабат).