ӨЛКӨДӨГҮ БИР КАТАР МЕДИЦИНАЛЫК ЖОЖДОРДУН ЛИЦЕНЗИЯСЫН АЛУУ СУНУШТАЛДЫ

Коррупцияга каршы ишкердик кеңешинин башкы катчысы Нурипа Муканова Кыргызстандын бир катар медициналык жогорку окуу жайларынын лицензиясын алууну сунуштады. Бул тууралуу ал бүгүн, 11-февралда өткөн брифингде билдирди.

“Тыюу салуулар коррупцияны токтото албайт, ошондуктан биз тыюу салуу менен маселени чече албайбыз. Биз колдоно турган бир гана жол – бул минималдуу лицензиялык талаптарга туура келбеген университеттердин лицензияларын жокко чыгаруу”, — деди башкы катчы.

Муканова медициналык факультеттери бар 22 ЖОЖдун ичинен сегизинин эл аралык каттоосу бар экенин кошумчалады.