ЛИЦЕНЗИЯ АЛУУ ПРОЦЕССИ АВТОМАТТАШТЫРЫЛДЫ

2025–2026-окуу жылында «Өкмөттүк акселератор» программасынын алкагында жеке менчик мектептерге жана кесиптик лицейлерге лицензия алуу процесси жеңилдетилди.

Агартуу министрлигинин Аккредитациялоо жана лицензиялоо бөлүмүнүн башчысы Бактыгүл Акулованын айтымында,  лицензия берүү процесси автоматташтырылып, эми лицензия алуу толугу менен санарип форматта жүргүзүлүүдө.

— Реформанын жыйынтыгында 277  билим берүү уюму санарип форматта электрондук лицензияга ээ болду, — дейт Б.Акулова.

21–22-август күндөрү Бишкек шаарында Улуттук педагогикалык форум өтөт. Лицензия алуу жана жеке менчик билим берүү уюмдары боюнча актуалдуу суроолорго Улуттук педагогикалык форумда жооп берилет.

Г.А., “КБ”