ЛИЦЕНЗИЯ: АГАРТУУ МИНИСТРЛИГИ ОКУУЧУЛАРДЫН АТА-ЭНЕЛЕРИНЕ КАЙРЫЛДЫ

Жаңы окуу жылынын алдында Агартуу министрлиги ата-энелерди баласын жеке менчик мектепке берүүдөн мурун окуу жайдын лицензиясын текшерүүгө чакырды.

Министрлик билим берүү мекемеси тандаган окутуу формасы боюнча (күндүзгү, сырттан же экстернат) жарактуу лицензияга ээ болушу керектигин белгиледи.

Лицензиянын бар-жогун министрликтин расмий реестринен текшерүүгө болот. Эгер күмөн жаралса, жергиликтүү билим берүү бөлүмүнө кайрылуу сунушталат.

Министрлик мындай кадам балдардын сапаттуу билим алуу укугун коргоого жардам берерин белгиледи.

Г.А., “КБ”