ЛЕЙЛЕКТЕ ЖЫЛДЫН МЫКТЫ МУГАЛИМИ АНЫКТАЛДЫ

Лейлек районунун К.Казыев атындагы орто мектебинде «Жылдын мыкты мугалими — 2022» кароо-сынагы болуп өттү.

Аталган сынакта өрүкзарлуу аймактын алдыңкы мугалимдери заманбап сабак өтүү, кесиптик чеберчилик, чыгармачылык изденүү, билим берүүнүн жаңычыл усулдарын колдонуу боюнча өз ара күч сынашышты.

Жарыштын соңунда Ак-Суу айылындагы жалпы орто билим берүүчү мектебинин  физика мугалими  Абдиманнан кызы Күмүшай биринчи орунду ээлеп, Баткен областтык туруна катышуу үчүн жолдомо алды.

Ал эми экинчи орунду «Кара-Булак» орто мектебинин башталгыч класстарынын мугалими Мансурова Динара, үчүнчү орунду «Достук» орто мектебинин башталгыч класстарынын мугалими  Жолдубаева Хафиза ээледи.

Тайир Аширбай, Лейлек району