«КЫРГЫЗЫМДЫН БААТЫР УУЛУ ДҮЙШӨНКУЛ, ЖҮРӨКТӨРДӨ ТҮБӨЛҮККӨ КАЛГАНСЫҢ»
- 30.04.2020
- 0
Кара-Көл шаарынын мектептеринде Жеңиштин 75 жылдыгына карата уюштурулган «Эч ким, эч нерсе, эч качан унутулбайт!» эстафетасы бул жолу Советтер Союзунун баатыры Дүйшөнкул Шопоковдун эрдигине арналды.
Шаардык билим берүү бөлүмүнүн маалыматына караганда шаар мектептеринде согуш баатырларын эскерүү эстафетасы аралыктан болсо да зор уюшкандыкта өтүп жатат.
Энергетиктер шаарчасындагы №4 жалпы билим берүүчү орто мектебине 1984-жылы баатырдын ысмы берилген.
Учурда баатырдын ысмын алып жүргөн мектеп Дүйшөнкул Шопоковдун Чүй облусунун Шалта айылындагы музейи менен тыгыз байланышта иш алып барат.
Тарых мугалими М.Мадышева мектептеги Дүйшөнкул Шопоков музейин жетектейт.
— Дүйшөнкул Шопоковдун өлбөс-өчпөс эрдиги кийинки муундарга бүтпөс баян, көөнөрбөс сабак болуп саналат, — дейт тарых мугалими.
А,Алибеков, «Кут Билим»
Комментарийлер