КЫРГЫЗСТАНДА КЫСКА МӨӨНӨТТҮҮ БАЛА БАКЧАЛАР БАРБЫ?

Билим берүү жана илим министрлиги Дүйнөлүк Банк тарабынан каржыланган «Кыргыз Республикасындагы мектепке чейинки билим берүү» долбоору аркылуу 2016-2018-жылдарга чейин өлкө боюнча кыска мөөнөттүү 120 бала бакча ачкан.

Долбоор жергиликтүү бийлик тарабынан сунушталып, ачылган бала бакчаларды төмөндөгүдөй каражаттар менен камсыздаган:

эмеректер;

окуу-методикалык колдонмолор;

өнүктүрүү оюндары;

жомок китептер;

оюн аянтчалары.

Мындан сырткары санитардык-гигиеналык шарттарды түзүү үчүн дааратканаларда оңдоп-түзөө иштери жүргүзүлүп, бардык талаптарга жооп берген абалга келтирилген.

Долбоор бүт областтарды камтыган:

Ыcык-Көл – 18

Нарын – 13

Талас – 18

Чүй – 31

Жалал-Абад – 17

Баткен – 7

Ош – 16

Мурдагы долбоордо бала бакчалар керектүү болгон бардык өнүктүрүү каражаттары менен камсыздалып, имараттын дааратканасы гана оңдоп-түзөөдөн өткөн. «Келечек үчүн билим берүү» долбоорунда болсо жергиликтүү бийлик сунуштаган 500 бала бакчанын имараты толугу менен ремонттон өтөт.