СТУДЕНТТЕР КЫРГЫЗ ЭЛ АКЫНЫ СООРОНБАЙ ЖУСУЕВДИ ЭСКЕРИШТИ 

КР Баатыры, Кыргыз эл акыны, Улуу Ата мекендик согуштун ардагери Сооронбай Жусуевдин 95 жылдыгына карата Кыргыз мамлекеттик курулуш, транспорт жана архитектура университети онлайн-конференция өткөрдү.

Иш-чара С.Жусуев атындагы Мамлекеттик тил борборунун жетекчиси Жумакадырова Карлыгач тарабынан уюштурулуп, ага конок катары ТҮРКСОЙдун Кыргызстандагы өкүлү, акын Кожогелди Култегин катышты. Кыргыз улуттук жазуучулар союзунун төрагасы, акын Нурлан Калыбеков да  конференцияга жигердүү катышып,  кыргыз элинин акындарын унутпай, жыл сайын  алардын элесине таазим кылып, эстеп, иш-чара уюштургандарга ыраазычылык билдирди.