Кыргызстандык спортчулар дзюдо боюнча Америка чемпионатында өз өнөрлөрүн көрсөтүштү

Бишкек мэриясынын спорттун күжүрмөн түрү боюнча спорт мектебинин дзюдочулары, Кыргызстандын курама командасынын спортчулары дзюдо боюнча Американын ачык чемпионатына (U.S. Open Judo Championships) катышты.

Маалыматка ылайык, чемпионат 27-30-июль күндөрү Форт-Лодердейлде (АКШ) өткөн. Мелдеш 2003-2005-жылдары төрөлгөн жаштар арасында өтүп, 15 өлкөнүн спортчулары катышты.

Спорт чеберине талапкерлер, олимпиадалык резервдеги адистештирилген балдар-өспүрүмдөр мектебинин тарбиялануучулары Дастан Жумашев 73 кг салмакта 2-орунду алса, 81 кг салмакта Талант Даниел коло медалга ээ болду.

Мелдештерди эл аралык категориядагы “International referee” судьясы Азамат Абдурасулов — спорттун күжүрмөн түрү боюнча олимпиадалык резервдеги адистештирилген балдар-өспүрүмдөр мектебинин директору тейледи.