КУУДА КЫЗЫКТУУ СЫНАК ӨТТҮ

Ж.Баласагын атындагы КУУнун Кесиптик бирлик комитети билим берүү кызматкерлеринин күнүнө карата студенттер арасында уюштурган интернет сынагынын жыйынтыгын чыгарды.

Мындай сынак окуу жайда мурда уюштурулган эмес. Студенттер инстаграммдагы “knu_profkom” баракчасында көрсөтүлгөн шарттарга ылайык, өзү жакшы көргөн, педагогикалык чеберчилиги бийик, факультетинде эң мыкты деп эсептелген окутуучусу менен сүрөткө түшүп, #bestteacherknu аталышындагы хештег менен окутуучусу жөнүндө жазып, инстаграммга киргизген.

Бир айга созулган сынактын  жыйынтыгы инстаграммдагы түз эфирде «LIZAONAIR» программасынын жардамы менен чыгарылып, жеңүүчүлөр он-лайн режиминде аныкталды. Сынактын ачык-айкын өткөндүгү түз эфирде бардык катышуучуларга таамай көрүнүп турду.

Жыйынтыгында 1-орунду журналистика факультетинин телерадио-журналистика кафедрасынын ага окутуучусу Калчаева Лира, студенти — Мырзагулов Бекмырза, 2-орунду кыргыз филологиясы факультетинин кыргыз тили жана адабияты кыргыз тилинде окутулбаган билим берүү мекемелеринде кафедрасынын ага окутуучусу Апышева Майрам, студенти — Марат кызы Сезим, 3-орунду Осмоналиев Каныбек физика жана электроника факультетинин физика кафедрасынын  профессору, студенти — Өмүракунова Айжамал алды.

Бул жеңүүчүлөргө: окутуучуларга кызыктуу белектер, студенттерге акчалай сыйлыктар тапшырылды.