“КУТ БИЛИМДИН” БАШКЫ РЕДАКТОРУ – ЖУРНАЛИСТТЕР СОЮЗУНУН СЫЙЛЫГЫНЫН ЛАУРЕАТЫ

“Кут Билим” газетасынын башкы редактору, мамлекеттик жана эл аралык сыйлыктардын ээси, белгилүү акын, журналист Майрамбек ТОКТОРОВ Кыргыз Республикасынын журналисттер союзунун сыйлыгынын лауреаты болду. Журналисттер союзунун бул абройлуу сыйлыгы М.Токторовго мыкты журналисттик эмгектери жана үзүрлүү чыгармачылыгы үчүн ыйгарылды.

Сыйлыкты аталган союздун төрагасынын орун басары, КР маданиятына эмгек сиңирген ишмер Курманбек Раматов салтанаттуу түрдө тапшырды.

– “Кут Билим” газетасы азыркы учурда гезиттердин эң алдыңкы сабында турат. Учурда билим, илим тармагында жүргүзүлүп жаткан реформаларды, жаңыланууларды ушул гезиттен гана таап окууга болот. Гезит окурмандарынын да катары күндөн күнгө өсүүдө. Маалымат айдыңында “Кут Билимдин” орду өзгөчө бийик. Ушундай кадыр баркка жетүүдө “Кут Билим” медиа борборунун директору Кубатбек
Чекиров, башкы редактору Майрамбек Токторов баштаган чыгармачыл жамаатка союздун атынан зор ыраазычылык билдирмекчимин, — деди К.Раматов сыйлык тапшыруу аземинде.

А.ТОКТОБАЕВА, “Кут Билим”