КМУДА МЕДИА БОРБОР АЧЫЛДЫ

Кыргыз мамлекеттик университетинде STEM science, tесhnоlоgу, engineering and mathematics — илим, технология, инженерия жана математика предметтери боюнча башка өлкөлөрдүн тажрыйбасын изилдөө жана Кыргыз Республикасынын Министрлер Кабинетине сунуштарды киргизүү боюнча ведомстволор аралык жумушчу тобунун кезектеги жыйын өттү. Ага Кыргыз Республикасынын Министрлер Кабинетинин төрагасынын орун басары Эдил Байсалов катышты.

Иш-чаранын алкагында КМУнун медиаборборунун расмий ачылышы болуп өттү. Анда Эдил Байсалов 21-кылымда болочок мугалим үчүн медиасабаттуулук маанилүү ролду ээлерин айтып, борбордон мыкты журналисттер чыгарына тилектештигин билдирди.

Аталган медиаборбор окуу жайда уюштурулган ар бир иш-чараны жаңы заманбап студиясында түз эфир, сюжет, долбоорлор аркылуу чагылдырат.  Окуу жайдын профессордук-окутуучулар курамы менен студенттердин жетишкендиктери  сайт, ютуб канал, социалдык тармактардагы баракчалары аркылуу коомго жайылтылат.