КМШ оюндары: Кыргызстандык боксчу Зафарбек Камилов финалга чыкты

Кыргызстандын бокс боюнча жаштар курама командасынын мүчөсү Зафарбек Камилов Беларуста өтүп жаткан КМШ өлкөлөрүнүн II оюндарынын финалына чыкты.

Камилов 48 кг чейинки салмакта катышып, 1/4 финалдык беттеште Азербайжандын мушкерин жеңген. Ал эми жарым финалдык беттеште Беларусь спортчусун утуп, финалга жолдомо алды.

12-августта өтчү финалдык беттеште Кыргызстандын спортчусу Тажикстандын мушкери менен күч сынашмакчы.

Мелдештер 6-августтан 12-августка чейин Беларустун Орша шаарында өтүп жатат.