КЭИИУ НУН РЕКТОРУНУН КЕҢЕШЧИСИ “МАНАС” ОРДЕНИ МЕНЕН СЫЙЛАНДЫ

Кыргызстандын социалдык-экономикалык, интеллектуалдык жана маданий потенциалын өнүктүрүүгө кошкон олуттуу салымы, кесиптик ишмердигиндеги зор жетишкендиктери үчүн, ошондой эле Кыргыз Республикасынын Эгемендүүлүк күнүнө карата Президент Садыр Жапаров “Кыргыз Республикасынын мамлекеттик сыйлыктары менен сыйлоо жөнүндө” жарлыгы менен М. Рыскулбеков атындагы Кыргыз экономикалык илимий изилдөө университетинин башкы илимий жетекчиси, ректордун кеңешчиси Төлөбек Камчыбеков «Манас» ордени менен сыйланды.

• Кыргызстандын эгемендүүлүк күнүндө сыйлык алганы жөн жерден эмес. Ал өзүнүн талыкпаган эмгеги менен республиканын жогорку кесиптик билим берүү системасын өнүктүрүүгө жана өлкөнүн экономикасы үчүн кадрларды даярдоого зор салым кошуп келет. Сыйлык сиздики, сыймык биздики! Сизге бекем ден соолук, узун өмүр жана бакубат жашоо каалайбыз!, — деп куттукташат кесиптештери.