«КАЙСЫ ЭЛДИН БЕКЕМ БОЛСО ТАМЫРЫ, ӨЧПӨЙТ АНДА УҢГУ ЖОЛУ, ТАРЫХЫ»

Саламаттык сактоо министрлигине караштуу №115 «Наристе» бала бакчасында Кыргыз Республикасынын Мамлекеттик тил күнүнө жана Кыргыз Республикасынын Эгемендүүлүгүнүн 35 жылдыгына карата «Кайсы элдин бекем болсо тамыры, Өчпөйт анда уңгу жолу, тарыхы» аттуу майрамдык иш-чара өткөрүлдү.

Иш-чаранын негизги максаты — балдарга эне тилди урматтоону, кыргыз тилин сүйүүнү жана мекенчилдик сезимди калыптандыруу, ошондой эле Кыргыз Республикасынын Эгемендүүлүгүнүн маанисин түшүндүрүү.

Майрамдык иш-чаранын жүрүшүндө тарбиялануучулар тарабынан кыргыз тилине арналган ырлар, көркөм окуулар, бийлер, ыр-күүлөр жана сахналаштырылган көрүнүштөр тартууланды.

Иш-чара балдардын чыгармачылык жөндөмдөрүн өнүктүрүүгө, улуттук баалуулуктарды даңазалоого жана Мекенге болгон сүйүүсүн арттырууга багытталат.

Саламаттык сактоо министрлигинин Ардак грамотасы менен бала бакчанын жетекчиси Айзада Салиева сыйланды.

Г.А., “КБ”