КАРА-СУУ: МУГАЛИМДЕР КҮНҮНӨ КАРАТА САЛТАНАТТУУ ИШ-ЧАРА ӨТТҮ

30-сентябрда Кара-Суу районунда Мугалимдер күнүнө карата «Агартуучулук – ыйык милдет, улуу жол» аттуу майрамдык салтанат өттү.

Иш-чарага Кара-Суу районунун мамлекеттик администрациясынын башчысы – аким Чыңгыз Бапаев катышып, билим берүү тармагында үзүрлүү эмгектенип жаткан мугалимдерди кесиптик майрамы менен куттуктады.

Район башчысы өз сөзүндө мугалимдик кесиптин коомдогу өзгөчө ордун белгилеп, жаш муунга сапаттуу билим берүүдө жана татыктуу тарбия берүүдө агартуучулардын эмгеги зор мааниге ээ экенин баса белгиледи.

«Мугалим – билимдин гана эмес, адамгерчиликтин, мекенчилдиктин жана жакшы тарбиянын жолун көрсөтүп, келечек муундун калыптанышына чоң салым кошкон ардактуу кесиптин ээси», — деди Чыңгыз Бапаев.

Салтанаттын жүрүшүндө райондун билим берүүсүнүн өнүгүшүнө салым кошуп келе жаткан алдыңкы мугалимдерге сый-урмат көрсөтүлүп, алардын эмгеги жогору бааланды.

А.К., «КБ»