ИНФОРМАТИКА БОЮНЧА XV ЕВРАЗИЯЛЫК ОЛИМПИАДАДА КЫРГЫЗСТАНДЫК ОКУУЧУЛАР БАЙГЕЛҮҮ ОРУНДАРГА ЭЭ БОЛДУ

11-12-декабрда Алматыда информатика боюнча XV Евразиялык олимпиада өттү, анда Кыргызстандын окуучуларынан турган бир команда – алтын, эки команда – күмүш, үч команда коло медалга ээ болду.

Бишкек шаарындагы «Газпром Кыргызстан» мектебинин окуучулары Эмил Талыпов, Адил Канатбеков, Ян Бобрус курамына кирген команда алтын байгеге ээ болду. (Тренери — Осмонов Медербек).

Курамына Исхак Тажибаев, Алихан Айдарбеков, Тенгиз Джамалов кирген курама команда күмүш байгеге ээ болду, тренери — Кылычбек Ураимов.

Ошондой эле күмүш байгени Абдулазиз Лебиев, Кутбол Алманов, Санжар Садирбеков сыяктуу окуучулардан турган курама команда жеңип алган, тренери — Кылычбек Ураимов.

Ал эми коло медалга Кыргызстандын мектептеринен барган үч команда ээ болду, атап айтканда,

• Байтөрө Майрамбеков, Айпери Акжолтоева, Канимет Бусурманкулов кирген курама команда, тренери — Ураимов Кылычбек;
• Назар Шаршеналиев, Максат Темирбеков, Адилет Байышов кирген курама команда, тренери — Манас Саматов;
• Ош Сема лицейинин окуучулары Байыш Минбаев, Али Арапов, Абдуллахан Абдирасулов, тренери — Ураимов Кылычбек.

Ошол эле учурда Бишкек шаарындагы «Газпром Кыргызстан» мектебинин «Gasprom_team» командасы информатика боюнча XV Евразиялык олимпиадада III даражадагы дипломго ээ болду.