ЭНЕРГЕТИКТЕР КҮНҮ ОШТУДА БЕЛГИЛЕНДИ

Ош техникалык университетинин энергетика факультетинде эмгектенген жалпы жамааты менен  билим алып жатышкан студенттер биргеликте 23-декабрь энергетиктердин кесиптик майрамын салтанаттуу иш-чаранын коштоосунда белгиледи.

Окуу жайдын ректору Ж. Ж. Турсунбаев жалпы факультеттин жамаатын жана студенттерин  кесиптик майрамы менен куттуктап, энергетиктердин коомдо орду өзгөчө экендигин баса белгиледи. Университеттин жана факультеттин коомдук иштеринде активдүү катышкан, окууда мыкты ийгиликтерди жараткан студенттерге, окутуучуларга университет жана факультет жетекчилиги тарабынан Ардак грамоталар тапшырылды. Ошондой эле өндүрүш менен тыгыз байланышып, эки тараптуу кызматташууга салым кошкон факультеттин окутуучулары дагы тиешелүү өндүрүштүк ишканалардын Ардак грамоталарына ээ болду.

Айгерим Токтобаева “КУТ БИЛИМ”