ЭЛ АРАЛЫК УНИВЕРСИТЕТТИН СТУДЕНТТЕРИ КАРЫЛАР ҮЙҮНӨ БАРЫШТЫ

К.Ш. Токтомаматов атындагы Эл аралык университеттин Эл аралык медициналык колледжинин медициналык айым иши адистиги боюнча билим алып жаткан студенттери Сузак районунун Октябрьское айылындагы Карылар үйүнө барып келишти.

Студенттер карылардын төшөк-жууркандарын алмаштырып, бөлмөлөрүн жыйнап беришип, ала барган азык-түлүктөрү менен сыйлашты. Андан кийин түшкү тамактанууну уюштурушуп, чакан концерттик программасын да тартуулашты.